Цы уыдзыстæм?

Ныггалиутæ стæм, хæстытæй – фæлмæцыд,

Нæ ивгъуыдæй кæуинагдæр нæ сом.

Нæ Ирæн хæлы цадæггай йæ мæсыг, —

Мæсыджы дуртау нал кæнæм æнгом.

 

Мæ хъарм цæссыг æрхæм зæрдæйы тайы:

Хъысмæтæй Ирæн амонд нæу нывгонд.

Дæ хъæбултæ сæ цард дæттынц æхцайыл,

Ёз та кæнын дæуæн мæхи нывонд.

 

Аланты фарн, нæргæ намыс – цы фесты?

Куыд æнцонæй сыл исæм ныр нæ къух?

Ызнæгтæ нын мыдæй адджындæр фесты –

Ныккæндзысты нæ тагъд рæстæджы хурх.

 

Нæ йæ хъусут, нæ фыдызæхх куыд ниуы?

Цы уыд æмæ цæмæ æрхауд йæ кад?

Цыди Къостайæн дун-дуне йæ риуы, —

Нæ риуы нæй Ирыстонæн бынат.

 

Цæмæй хæссæм нæ ныфс, цымæ, тæхуды,

Куы нæ уал ыстæм армыдзаг дæр мах?

Сыгъдæг кæнын куынæ зонæм нæ удты,

Уæ не знæгтыл куыд æркъуырæм нæ къах?

 

Ирон хъæстæ! Æрæмбарæм кæрæдзи!

Иу иннæйыл цæмæн æндзары арт?

Кæйдæр фæндиаг цалынмæ нæ фæци,

Нæ Ирыстонæн суæм йæ кард мæ уарт!

Касаты Æмзор

(Visited 3 times, 1 visits today)

Добавить комментарий

Ваш e-mail не будет опубликован. Обязательные поля помечены *