Мæнæн фæкад ис фæззæджы бон

Мæнæн фæкад ис фæззæджы бон,
Ӕз сымах куы федтон уæд!
Ӕз худгæйæ уыл фембæлдтæн ,
Ныууагътат зæрдæйы мын фæд …

Уæ худт ‘схъарм кæны мæ зæрдæ!
Уæ уарзондзинад , скъæфы уд !
Ӕз никуы рох кæндзынæн хъæлдзæг ,
Ӕрттиваг цæсгом , сымах, рæссугъд !

Аивфæрдæхт гуыры ахаст,
Уæ аив фидауц уын !
Мæ зæрдæ сусæгæй æскъæфт
Ӕрцыд, куы ссистут адджын йын !

Æнæкæрон уарзондзинадмæ ,
Амондмæ фидар æз бæллын !
Куы фенин уæ , тæхудиагмæ…
Æз тынгæй тынгдæр сымах уарзын !

Уæ цæстытæ стъалау ‘ртивынц !
Ныртæккæ сымах кæсут уацмыс …
Æмæ фæнды цæмæй хæрзгыццыл
Уæ кады кой æрцæуа фыст

Сымахмæ кæсын æнæфæллайгæ —
Цæттæ дæн алы царды бон !
Сымах систут мын куыд хион, афтæ
Мæ бон уæ нæу ферох кæнон!

Ферох кæнон …уæ цæстыты хау ,
Уæ диссаджы митбылты худт,
Ферох кæнон хъæлæс зылангау —
Мæ бон уый не ‘суыдзæн , зонут !

Хæлар дæр никæй федтон , нæ!
Ахæм сыгъдæг удимæ, адæм
Мæнæй амондджын ничи нæй
Мæ зæрдæ радтон ‘рмæстæр сымахæн!
Никæй дих нæ кодтат махæй —
Æмсæр уыдыстæм алхат уын !
Куыд уарзтат ,не’ппæтæй сымах алкæй-
Ныр ма дæр уарзут , зонын уый!
Ныр адæм скæнынц мæнг цæсгæмттæ,
Цæмæн кæмæндæр ‘лхæной уд…
Рæстдзинад ,та ,зæгъынц цæстытæ…
Уæ цæстытæ –сыгъдæг , рæсугъд !
Ис уæм хъалдзинад , нæй уын буц !
Уæ номыл дæр фæхæцын зонут ,
Зæрдæйы та нæй масты судз !
Стут кады аккаг –алчи зоны !
Уæ бинонтæн зæгъын æз бузныг ,
Цы схъомыл кодтой смахæй ныфс !
Цы ссистут ахæм кæмæй фæдзурынц : “Ай у ирон , æгъдауджын чызг “
Уæ бинонтæ æппæлынц сымахæй !
О, алкæмæн нæй ахæм чызг !
Кæд зæрдæтæ сты ‘ххæст цæссыгæй
Цины цæссыгæй- уый мæ ныфс …
Мах никуы уæ ферох кæндзыстæм-
Нæ зæрдæты ныббадтат арв…
Куы фембæлæм пъатæ куырдзыстæм-
Хæрзбонæн та , дыууæ ныхас …

Ацы æмдзæвгæ фыст у
Суанты Маринайæн

Лаура Хамицева

(Visited 12 times, 1 visits today)

Добавить комментарий

Ваш e-mail не будет опубликован. Обязательные поля помечены *