Ирон дæ, лæппу, ирон!

Тæххуды, о ирон, куыд кадджын у дæ ном,
Цæй рæссугъдæй йæ де уæнгтыл хæссыс.
Тæххуды, о ирон, мыд у дæуæн дæ ном,
Сæдæ æнустæ фидарæй дæ къæхтыл ды лæууыс.

Тæххуды, о ирон, куыд бæрзонд у дæ ном,
Къæдзæхау знæгтыфыдмæ кæдерынмæ лæууыс.
Тæххуды, о ирон, куы мæ уаид дæ ном,
Дæуæн уаид мæ цард æнæмæнгæй фæлдыст.

Тæххуды, цырд ирон, æрбæтт хъæттых дæ рон,
Лæбуры ‘не знаг аллырдæм,бырсы.
Ирон лæппу,ирон, дæ тыхæн нæй кæрон
Æмæ дæ знагдæр уый тыххæй ‘стъæлфы, ‘мæ тæрсы.

Æрбайхъус мæм ирон, æрхæццæ сау фыдбон-
Дæу хуызæн нал ис фæсивæды ‘хсæн,
Кæм дæ? Кæм дæ, ирон?! æрмæсттæр дыл ис ном,
Фæлæ дæхицæй нал ис ныр тæрсæн.

Дæ риуы рухс ‘ссудз,дæ æнæгъдау та ‘мпъуз
Фыдæлты фарнæй фидар та æрлæу.
Сæрæй къæхтæм ссудз, фæхъæттых кæн дæ рус,
Æмæ нын бафхæр ‘не ‘знагты, кæннод фæмарынц дæу.

Уырнымæ мæн, Ирон, уыдзæн бæрзонд дæ ном,
Æрмæсттæр райхъал у, ‘мæ мауал кæн фынæй…

Джеуæр Ботъоты

(Visited 5 times, 1 visits today)

Добавить комментарий

Ваш e-mail не будет опубликован. Обязательные поля помечены *