Цæмæн цæрын?

Нæ хъахъхъæнын, дзæнхъадурау, мæ уд.

Мæ бон цы у, уый адæмæн фæдæттын.

Æмбæстæгæн мæ армы судзын буд.

Зындзинæдтæн нырма дæр æз нæ сæттын.

 

Лæджы цард циу? – Æнусы бæрц дæр нæу.

Мæ фæндагæн æрцæудзæни йæ кæрон.

Кæндзæни маст мæ адзалыл кæд хъæу,

Кæндзæни дуг та раздæрау йæ кæнон.

Зæгъут-иу мын хæларзæрдæйæ рухс,

Рæвдаут мын ныййарæгау мæ цоты.

Кæд мæ нæ дардта райгуырæн хъæу буц,

Уæддæр мæ зæрдæ не сивтон Елхотыл.

Нæу чи зоны мæ мард лæг дæр къуырма.

Фæнды мæн дæр, куы фехъусин мæ хисты:

«Æмзорыхъо æвгъау уыдис нырма –

Ирыстонæн фæуыдаид ма исты».

Нæ хъахъхъæнын, дзæнхъадурау, мæ уд.

Мæ бон цы у, уый адæмæн фæдæттын.

Æмбæстæгтæн мæ армы судзын буд.

Зындзинæдтæн нырма дæр æз нæ сæттын.

Касаты Æмзор

(Visited 8 times, 1 visits today)

Добавить комментарий

Ваш e-mail не будет опубликован. Обязательные поля помечены *