Ирон Æвзаг

Нæ фыдæлтæн уыдтæ адджындæр мадæй,

Нæртон æвзаг. Кæм уыд дæуæн æмбал!

Фæстаджырдæм фæцудыдтай дæ кадæй, —

Дæ намысæй ныр къаддæр ыстæм хъал.

 

Гадзрахатæй дыл рацыдысты д адæм,

Æмæ цæрæццаг чи уыди кæддæр,

Гъе уый бæсты кæйдæр ныхас рæвдауæм,

Дæуæн та сафæм мах дæ кой, дæ хъæр.

Дæ уд дæуæн гæркъайы хуынчъы ласынц,

Кæддæр уæддæр фæкъуылымпы дæ цыд.

Дæ хъæбултæ кæйдæр æвзагыл уасынц:

Кæмæй ма зоныс уыдонæй рæвдыд?

Æз та? Дæуыл мæ мæт æмæ мæ катай:

Ирон зæххыл иронæй уадзын фæд.

Мæ зæрдæйыл сæрдыгон сойау батай.

Кæдмæ цæрон, уæдмæ мын нæй мæлæт!

Касаты Амзор

(Visited 5 times, 1 visits today)

Добавить комментарий

Ваш e-mail не будет опубликован. Обязательные поля помечены *