ТАБУЙАГ – ТЫМБЫЛ ХЪÆДЫ ДЗУАР

Куыд тынг дæ агуры мæ зæрдæ,

О, Хетæджы сызгъæрин Дзуар!

Дæ рухс номæн кувынц фæлтæртæ,

Ирыстон уа цæмæй дæ бар.

Фæнды мæ бацæуын дæ размæ –

«Табу» дын зæрдиагæй зæгъон

Æмæ скувон Стыр Хуыцаумæ

Æз дæр, нæртон лæджы фæдон.

Сыгъдæг Мады –

Майрæммæ скувон,

Зæрдиагæй йын табу кæнон:

Нæ мадæлтæн, нæ сывæллæттæн

Нæ зæххыл уа цæрын æнцон.

Нæ хъайтар Дауджытæ æмæ Зæдтæн

Рæстæй табуйаг у сæ ном.

Фæдзæхсин уыдонæн: нæ кæмттыл

Рæстудæй ма сбадæд фыдном!

О, Хетæджы фæрнджын Уастырджи,

Дæ хæрзтæ Иры зæххыл уар!

Табуйаг уæд куывддон – Ирыстон!

Табуйаг – тымбыл хъæды Дзуар!

Давид Кучиты

(Visited 5 times, 1 visits today)

Добавить комментарий

Ваш e-mail не будет опубликован. Обязательные поля помечены *