Цæмæн дæ цымæ афтæ бирæ уарзын? (Сусæг уарзт)

Цæмæн дæ цымæ афтæ бирæ уарзын?

Цæмæ ссыгътай мæ рæзгæ уды уарзт?

Æдзух дæумæ æнхъæлмæ æз фæкæсын,

Ды та мæнмæ нæ цæуыс, нæ æввахс.

Нæ мыл хæцы æхсæв хуыссæг дæ мæтæй –

Мæ хъуыдытæ дæуимæ вæййынц баст.

Скодта мын цыма хъысмæт кæлæнтæ –

Ды дæ мæ цин, мæ цард, мæ хурыскаст!

Куыд тынг зын у цæрын, куыд, уарзаг удæн!

Фæлæ быхсын дæр бирæ у йæ бон.

Мæн ферох абон, циу мæ царды худын.

Куыд раргом кæнон уарзонæн йæ ном?!

Хæлæрттæ, зонут: сусæг уарзт уæззау у.

Мыййаг кæд уый уæ зæрдæты цæры,

Хъæрæй ма йыл уæд зарджытæ ныззарут,

Кæд бамбариккой чызджытæ уæ зын

Давид Кучиты

(Visited 4 times, 1 visits today)

Добавить комментарий

Ваш e-mail не будет опубликован. Обязательные поля помечены *