Иудзинад

Мæ хæлæрттæ-æфсымæртæ, фæнды мæ,

Цæмæй сымах æз арæхдæр уынон.

Æрбалæууæм кæрæдзимæ æнгомдæр –

Нæ Иры кадæн хъуамæ уæм бæрнон.

Тыхгæнæг нæм фыдзæрдæйæ куы хъава,

Нæ иудзинадæй райсдзæн уæд ныхкъуырд.

Ирон лæппутæм æхсар æмæ лæгдзинад

Сæ фыдæлтæй æнусты сæрты ‘рцыд.

Æппыныдзух нæ зæрдыл хъуамæ дарæм,

Фыдыуæзæг зынаргъ кæй у лæгæн.

Нæ кæстæртæн нæ фæрнджын æгъдау радтæм,

Сæ хистæртæй цæмæй фæуой лæгдæр.

Сабырдзинад куы ‘рфидар уа нæ зæххыл,

Æнцойдзинад нæ удты уæд цæрдзæн.

Нæ арфæйаг, нæ зæрин Иры номыл

Æгас дуне дæр зарджытæ кæндзæн.

Давид Кучиты

(Visited 3 times, 1 visits today)

Добавить комментарий

Ваш e-mail не будет опубликован. Обязательные поля помечены *