Ирыстойнаг мадоннæйы сонет

Рæсугъддзинад ыстыр лæгау куы ‘мбарин,

Кæсин дæм уæд, чызгай, æхсæвæй бонмæ.

Ды дæ фæрдыг – ирыстойнаг Мадоннæ.

Тæхуды, мæ дæ аккаг дзырд куы ссарин!

 

Мæ сæры цъуппыл дæ уæд буцæй дарин,

Æрмæстдæр мæ «Мæ буц хицау» ысхон мæ.

Нæй, нал та кæсы ме взаг дæр мæ коммæ,

Æндæра дыл хъæлæсы дзаг ныззарин.

 

Ныссабыр æрдз… Зæлдаг тынтæ нывæнды

Æфсæрмдзаст мæй – дæ амондыл æууæнды.

Мæ сусæг фæнд дын хъæр кæнын æргомæй –

Рæсугъддæр стъалы хонын æз дæ номæй.

 

Мæ удæй дæр фылдæр дæ фыры хъулы

Æз уарздзынæн – мæ хъæбулы хъæбулы.

Касаты Æмзор

(Visited 4 times, 1 visits today)

Добавить комментарий

Ваш e-mail не будет опубликован. Обязательные поля помечены *