Чызджы катай

Куы бахизын мæ адджын фынты тарфмæ,

Ныххауын гъеуæд уарзонады арфмæ.

Куы мын фæзæгъыс: «Ды мæ уд, мæ дзæцц дæ!»,

Мæ базыртæ мæ сисынц уæд уæларвмæ.

 

Куы райхъал вæййын, уæд мæ амонд ркæлы,

Мæ рыст зæрдæмæ рухсы цъыртт нæ кæлы.

Фæлæ уæддæр дæуимæ дæн мæ сæнтты,

Мæ ахастдзинад дæм уæддæр нæ халы.

 

Мæ æнкъарæнтæн уазалæй нæ тæрсын,

Цы ма кæнон, куыд ма кæнон? – дæу фæрсын.

Дæ уыд хъармæй мæ рæдауæй батав,

Дæ ихджын цæстæнгасæй науæд ргъæвсын.

 

Ныфсæй цæрын – лæгæн Хуыцауæй амынд,

Мæнмæ дæр ныфс дæуæн зæгъынмæ разынд:

«Цы мæрддаг дæ, дæ æргом раздæх ме рдæм,

Куыд-иу уой иу нæ ацыд мæ нæ рацыд.

 

Мæ сонт риуы цы уарзты цæхæр судзы,

Уый мын мæ фæндтæ сасирæй фæрсудзы.

О, ракæс мæм, дæ цæст мæныл æрæвæр,

Æнæуинæй дæ аххосæй рæмудзын».

Амзор Касаев

(Visited 2 times, 1 visits today)

Добавить комментарий

Ваш e-mail не будет опубликован. Обязательные поля помечены *